من طرف [color=black]
سموه البخيت عشان يوم ميلاده الجزاير شربت وبقرات ابوه التلاته ولدن فى يوم واحد ففتح عيونه على ضهر السنة الخضراء
البخيت لمان شبة وقوى عوده وجد وصية سلفو الصالح {بان صرته مدفونة فى قلب الجزيرى }وان اللبقة المفتوحة فى حيضان المسرة الشتوية لاذم يرعاها ويبت فوق تقنت قراعها وسريرو ورتابة قصباً عاول ووسادته كليقة لوبى وغناءه فى فم القمريى والقينقرد يا الحاجى
والبخيت لما تتمايل سيقان فوله المزروعة وهى تتكرف نسمات فبرائر الشتوية يكون فى اوج سعادته وهو يقدل وسط حقل فوله المزهر وخلفه ترفرف طيور البقر الجميلة باجنحتها وهى تطارد الجراد والافات لنظافة محصول الولد الفالح
الجدول مكادن والمياه منحدرة من انبوب البابور اللستر والحملان تنطط جنب خشم الزريبى والابقار تخور وتحن للمتلاب دايرة الحليب
أخ ...... يا البخيت القنقر فى الجروف يدافر فى قواد اللوبى الشابك والشميشى اتكت فوق اهداب الضفة الشرقية ...وين تحوق يا البخيت (تبعات الارث الموروث مشرورة مع نجايل البرود الدايرة الحش والاطيان الممدودة من الساب لاحد الهواد راجياك زراعة وحصاد) وين تحوق با البخيت..... سنابل القمح الرويانى والشبعانى موية وماروق منتظرة التيلان. وشوالات قمحك العاول فوق ضهر السيداب فى بطن مخازن الحلى ماشية عليها اللاريتى دايرة نضافة وترتيب عشان تشيل الجايى عليها من قمح امشير الهبت نسماتها ......................قف وينك ياالبخيت هجايم الزمن المضروب لا تمشى عليك هوى يازول بنك المزارع فعله مضارع داير الكاش والقسط الحاضر اوعى تغامر ولكن البخيت ضيع وصية اسلافو وودر تيرابو المدخور....و زرع ارضه بى تقاوى سلفية البنك وجاز بابوره من البنك ولمان تيلن حيضانو وظهرت نبتاتها كان نصها عميوقة وتلتينة عدار وجات الدقاقة وضحنت مصارين قمحو الممحوق وشالت نصيبها وفاتت وجات الكارو وشالت حق البنك وفاتت و لمان شاف المسكين انو نصيبو بس قيراطين فى ردخة شوالة جدع شمارتو وباع حمارتو وبقراتو الحلابات وهج المسكين وخلى الحالة المكروبة ووراءه تتمدد فى فلتاتة الكدرباسة بقت بنضورة وتبشة الكلاب اتقلبت شمامة والعشر مع المسكيت سوالو صداقة فوق اراضى الساب وجروف العونيى[/color]
سموه البخيت عشان يوم ميلاده الجزاير شربت وبقرات ابوه التلاته ولدن فى يوم واحد ففتح عيونه على ضهر السنة الخضراء
البخيت لمان شبة وقوى عوده وجد وصية سلفو الصالح {بان صرته مدفونة فى قلب الجزيرى }وان اللبقة المفتوحة فى حيضان المسرة الشتوية لاذم يرعاها ويبت فوق تقنت قراعها وسريرو ورتابة قصباً عاول ووسادته كليقة لوبى وغناءه فى فم القمريى والقينقرد يا الحاجى
والبخيت لما تتمايل سيقان فوله المزروعة وهى تتكرف نسمات فبرائر الشتوية يكون فى اوج سعادته وهو يقدل وسط حقل فوله المزهر وخلفه ترفرف طيور البقر الجميلة باجنحتها وهى تطارد الجراد والافات لنظافة محصول الولد الفالح
الجدول مكادن والمياه منحدرة من انبوب البابور اللستر والحملان تنطط جنب خشم الزريبى والابقار تخور وتحن للمتلاب دايرة الحليب
أخ ...... يا البخيت القنقر فى الجروف يدافر فى قواد اللوبى الشابك والشميشى اتكت فوق اهداب الضفة الشرقية ...وين تحوق يا البخيت (تبعات الارث الموروث مشرورة مع نجايل البرود الدايرة الحش والاطيان الممدودة من الساب لاحد الهواد راجياك زراعة وحصاد) وين تحوق با البخيت..... سنابل القمح الرويانى والشبعانى موية وماروق منتظرة التيلان. وشوالات قمحك العاول فوق ضهر السيداب فى بطن مخازن الحلى ماشية عليها اللاريتى دايرة نضافة وترتيب عشان تشيل الجايى عليها من قمح امشير الهبت نسماتها ......................قف وينك ياالبخيت هجايم الزمن المضروب لا تمشى عليك هوى يازول بنك المزارع فعله مضارع داير الكاش والقسط الحاضر اوعى تغامر ولكن البخيت ضيع وصية اسلافو وودر تيرابو المدخور....و زرع ارضه بى تقاوى سلفية البنك وجاز بابوره من البنك ولمان تيلن حيضانو وظهرت نبتاتها كان نصها عميوقة وتلتينة عدار وجات الدقاقة وضحنت مصارين قمحو الممحوق وشالت نصيبها وفاتت وجات الكارو وشالت حق البنك وفاتت و لمان شاف المسكين انو نصيبو بس قيراطين فى ردخة شوالة جدع شمارتو وباع حمارتو وبقراتو الحلابات وهج المسكين وخلى الحالة المكروبة ووراءه تتمدد فى فلتاتة الكدرباسة بقت بنضورة وتبشة الكلاب اتقلبت شمامة والعشر مع المسكيت سوالو صداقة فوق اراضى الساب وجروف العونيى[/color]
عدل سابقا من قبل عثمان حسن سرالختم في 2010-12-23, 17:22 عدل 2 مرات (السبب : عام)