اكيد البت دي هي بت الريف عموماً وبت الشمال بصورة خاصة , يمكن هي هيمنة من الاسرة و عادات اجتماعية في الزمن الجميل داك وكل الناس يعرفو ان زمان زمام الامور كان عند الابهات عشان كدا كان قول بتنا قاصر كلاما وماعندها رأي لكن كان حبها سامي جدا الا النسبة القليلة وتحديدا البت الما راضية بي وضعها هي الممكن تسيب الولد وتتحجج بي اهلها والفئة دي قليلة جدا ويمكن استاذنا حسن الدابي او احد معارفو وصلو راس السوط وكتب حسن الدابي اول حاجة وبارك ليها وقال:
زي ما اخترت ياورد البساتين
بالخير والعديل ان شاءالله والزين
يعني ببارك ليها الزواج وبعد داك اداها نصايح جميلة جدا وقال ليها:
سعادة الدنيا ماها قماش دكاكين
ولا قطيع هدوم ورديم فساتين
ولا كترة نخيل مزروعلو في طين
بس مشاعر نابعة من قلبين محبين
, وتعالو ناخد نماذج لي بت ضحت من اجل المحبوب وكان النصيب لي زول تاني :
انا دايرة الوم فيك الضمير الفي دناك اتلاشي غاب
يايابا تقسي حرام عليك بتك ربيعه يضيع سراب
انا عشيتي جمب تربال يسرسر عرقو يزقيبو التراب
احسن لي من موتي البطئ بيناتو عمري شقا وعزاب
تضحية مابعدها تضحية وباقي القصيدة توضح كدا .
احفظني في جواك فرح بسلم تدوابيو الالم
زي حفظي ليك بين الضلوع انت وقليبي جم جم
اخواني سيبهم يفرحو وانا جرحي لسسسع ما التأم
يمكن ضميرهم يوم يحس ويعرفو اني انا انظلم
ومن القصيدة واضح انها قاست ظلم الاخوان او الاهل ليها بي مدي حبها للمحبوب دا وفي النهاية رأي الاهل مشي
طبعا في بعض (المشوكشين) بلملم اطرافو ويمشي وفي البيقدم اعتراض مباشر زي حميد لما قال :
لو الظروف سابتني اقنع
وانسي حرتي الساقو غيري
ياتو حاحاياً بيمنع
من يغرد فوقو طيري
والله دي حميد بالغ فيها جدا ومن الظريف عن البيت دا انو في زول محرووق قال البيت دا لي صحبو فصحبو قاليهو مافي زول بيمنع الطير لكن ممكن يمنعو الانسان , فصاحبنا قالو : انا ان ماني طيرة كان خليتو قلعها مني!!!.
و الحبيب لما قال:
انا متهم ناساً كتار بالذات كمان شيخ البلد
........وضايف علي ورق اتهاماتي العمد
طبعاً شيخ البلد والعمدة ديل كانو دورهم هو نفس دور الابو وليهم الكلمة المسموعة وانا عرفت الكلام دا قبل فترة ماطويلة لما عرفت جدنا ودعبدالصادق الشاطرابي كان بعرس لي اولاد وبنات اهلو من طرف (البت لي ود عمها) ومن الكلام جاني احساس انو لخبط نص اهل الشاطراب بي حركتو دي.
وماننسي قصيدة خالد الباشا (القمرة والزول الرحل)
انا دفعتي الناس الحنان بت البلد
وامونة بت الشيخ حمد
وهنا في ضرب مثل بي اعظم اتنين في قبيلة الشايقية ويستحقو يضربو بيهم المثل في الوفا والصدق وكلنا زي ماسمعنا عن قيس وليلي برضو سمعنا عن بت البلد , رائعة الاستاذ السر عثمان الطيب وسمعنا رائعة استاذنا نجم الدين الكرفابي قصة امونة بت الشيخ حمد الانتحرت في لحظة علو موج النيل ويمكن كل شعراء الشمال ليهم قصص وقصايد مشهورة في المجال دا .
وما ننسي استاذنا ابونيران لما محبوبتو كانت من نصيب زول تاني وهو عرف الكلام دا اول حاجة مشي المناسبة وبارك ليها وبعد داك جا وكتب وكتب اجمل قاصيدو وانا بعتبرة قصيدة دارمية بحتة وهي قصيدتو الرائعة جدا جدا جدا : محاسن وقال فيها:-
جيت في ليله زفافك جيت اقول مبروك واهني
جيت امد ايدي البترجف لي ايادي ملانة حني
وطبعاً هنا كانت حالة فردية وماسبق ليها مثيل , عكس بعض الشعرا القالو:
طول عمري مسالم وقلبي حنين
منك لله انا زول مسكين
و زي شعرا تانين قالو:
إلهي اسمعني يامتعاااااال
واجب لي دعايا بستعجال
............. يقع زلزال
في الشوف والبدن والمال
والنماذج كتيرة جدا وكل الاسباب دي من الابهات ولكن هسه اختلف الزمن وبقي الزمام عند الامهات
تعالو نشوف التغيير الواضح هسه:
يمكن الحرية الحصلت في الوقت الراهن دا كانت سبب في الخلافات البتحصل بين الازواج وخصوصاً الجدد وزمان حتي لو حصل خلاف كان الابو القبيل كان سبب الزواج دا هو بكون سبب الصلح الحاصل وتعال شوفو هسه البت لما تجي شايلة الشنطة وتقول لاهلها (اعوز بالله) انا اطلقت , بي كل برود اهلها يقولو ليها : دا مش الاخترتي انتي بي نفسك؟!!! قومي شيلي الشنطة دي من الدرب وقومو يا اولاد ادخلو جوة وتكون رجعت بيت ابوها بي حمل تقيل هي + الاولاد ومين البيربي ؟ اكيد ابو البت وبعد التربية في شيل حال وليه طلقوها ووو ويمكن مايجيها عريس تاني وهي براها مابتربي وكضابة لو قالت بتقدر لانو الايد الواحدة مابتصفق والابو ياهو بندقة التربية, ونقطة التربية دي الشاعر حاتم حسن الدابي اشار ليها في قصيدة لسان الحال ودا مجرد سفر فما بالك فراق عديل؟؟
بعد الكلام الكتير ومسيخ ده دايرين رايكم : هل كان اخير الحال زمان ولا حالياً مع ذكر السبب .
دمتو بخير
زي ما اخترت ياورد البساتين
بالخير والعديل ان شاءالله والزين
يعني ببارك ليها الزواج وبعد داك اداها نصايح جميلة جدا وقال ليها:
سعادة الدنيا ماها قماش دكاكين
ولا قطيع هدوم ورديم فساتين
ولا كترة نخيل مزروعلو في طين
بس مشاعر نابعة من قلبين محبين
, وتعالو ناخد نماذج لي بت ضحت من اجل المحبوب وكان النصيب لي زول تاني :
انا دايرة الوم فيك الضمير الفي دناك اتلاشي غاب
يايابا تقسي حرام عليك بتك ربيعه يضيع سراب
انا عشيتي جمب تربال يسرسر عرقو يزقيبو التراب
احسن لي من موتي البطئ بيناتو عمري شقا وعزاب
تضحية مابعدها تضحية وباقي القصيدة توضح كدا .
احفظني في جواك فرح بسلم تدوابيو الالم
زي حفظي ليك بين الضلوع انت وقليبي جم جم
اخواني سيبهم يفرحو وانا جرحي لسسسع ما التأم
يمكن ضميرهم يوم يحس ويعرفو اني انا انظلم
ومن القصيدة واضح انها قاست ظلم الاخوان او الاهل ليها بي مدي حبها للمحبوب دا وفي النهاية رأي الاهل مشي
طبعا في بعض (المشوكشين) بلملم اطرافو ويمشي وفي البيقدم اعتراض مباشر زي حميد لما قال :
لو الظروف سابتني اقنع
وانسي حرتي الساقو غيري
ياتو حاحاياً بيمنع
من يغرد فوقو طيري
والله دي حميد بالغ فيها جدا ومن الظريف عن البيت دا انو في زول محرووق قال البيت دا لي صحبو فصحبو قاليهو مافي زول بيمنع الطير لكن ممكن يمنعو الانسان , فصاحبنا قالو : انا ان ماني طيرة كان خليتو قلعها مني!!!.
و الحبيب لما قال:
انا متهم ناساً كتار بالذات كمان شيخ البلد
........وضايف علي ورق اتهاماتي العمد
طبعاً شيخ البلد والعمدة ديل كانو دورهم هو نفس دور الابو وليهم الكلمة المسموعة وانا عرفت الكلام دا قبل فترة ماطويلة لما عرفت جدنا ودعبدالصادق الشاطرابي كان بعرس لي اولاد وبنات اهلو من طرف (البت لي ود عمها) ومن الكلام جاني احساس انو لخبط نص اهل الشاطراب بي حركتو دي.
وماننسي قصيدة خالد الباشا (القمرة والزول الرحل)
انا دفعتي الناس الحنان بت البلد
وامونة بت الشيخ حمد
وهنا في ضرب مثل بي اعظم اتنين في قبيلة الشايقية ويستحقو يضربو بيهم المثل في الوفا والصدق وكلنا زي ماسمعنا عن قيس وليلي برضو سمعنا عن بت البلد , رائعة الاستاذ السر عثمان الطيب وسمعنا رائعة استاذنا نجم الدين الكرفابي قصة امونة بت الشيخ حمد الانتحرت في لحظة علو موج النيل ويمكن كل شعراء الشمال ليهم قصص وقصايد مشهورة في المجال دا .
وما ننسي استاذنا ابونيران لما محبوبتو كانت من نصيب زول تاني وهو عرف الكلام دا اول حاجة مشي المناسبة وبارك ليها وبعد داك جا وكتب وكتب اجمل قاصيدو وانا بعتبرة قصيدة دارمية بحتة وهي قصيدتو الرائعة جدا جدا جدا : محاسن وقال فيها:-
جيت في ليله زفافك جيت اقول مبروك واهني
جيت امد ايدي البترجف لي ايادي ملانة حني
وطبعاً هنا كانت حالة فردية وماسبق ليها مثيل , عكس بعض الشعرا القالو:
طول عمري مسالم وقلبي حنين
منك لله انا زول مسكين
و زي شعرا تانين قالو:
إلهي اسمعني يامتعاااااال
واجب لي دعايا بستعجال
............. يقع زلزال
في الشوف والبدن والمال
والنماذج كتيرة جدا وكل الاسباب دي من الابهات ولكن هسه اختلف الزمن وبقي الزمام عند الامهات
تعالو نشوف التغيير الواضح هسه:
يمكن الحرية الحصلت في الوقت الراهن دا كانت سبب في الخلافات البتحصل بين الازواج وخصوصاً الجدد وزمان حتي لو حصل خلاف كان الابو القبيل كان سبب الزواج دا هو بكون سبب الصلح الحاصل وتعال شوفو هسه البت لما تجي شايلة الشنطة وتقول لاهلها (اعوز بالله) انا اطلقت , بي كل برود اهلها يقولو ليها : دا مش الاخترتي انتي بي نفسك؟!!! قومي شيلي الشنطة دي من الدرب وقومو يا اولاد ادخلو جوة وتكون رجعت بيت ابوها بي حمل تقيل هي + الاولاد ومين البيربي ؟ اكيد ابو البت وبعد التربية في شيل حال وليه طلقوها ووو ويمكن مايجيها عريس تاني وهي براها مابتربي وكضابة لو قالت بتقدر لانو الايد الواحدة مابتصفق والابو ياهو بندقة التربية, ونقطة التربية دي الشاعر حاتم حسن الدابي اشار ليها في قصيدة لسان الحال ودا مجرد سفر فما بالك فراق عديل؟؟
بعد الكلام الكتير ومسيخ ده دايرين رايكم : هل كان اخير الحال زمان ولا حالياً مع ذكر السبب .
دمتو بخير
